8-ноябрда расмий сапары менен Душанбеге барган Ирандын президенти Ибрагим Раиси Тажикстандын мамлекет башчысы Эмомали Рахмон менен жолугуп, тараптар кызматташтык тууралуу бир катар документтерге кол коюшту.
Алардын арасында транспорт тармагын өнүктүрүү, эркин экономикалык аймактарды түзүү жана маңзатка каршы күрөшүү тууралуу меморандумдардан тышкары эки өлкө ортосундагы виза режимин жоюу тууралуу макулдашуу да бар.
Буга чейин Ирандын да, Тажикстандын да коомдук ишмерлери эки өлкөнүн ортосундагы виза режимин жоюуну сунуштап келишкен. Алар бул маселе оң жагына чечилсе, Ирандын миңдеген жараны Тажикстанга турист катары келерин айтышкан.
Душанбе менен Тегерандын мамилеси акыркы он жылда чыңалып, 2015-жылы эң төмөнкү чекке жеткен. Анда расмий Душанбе Иранды «Ислам кайра жаралуу» партиясын колдоого, Тажикстанда төңкөрүш жасоо аракетине жана жарандык согушту тутандырууга айыптаган.
Ирандын маалымат каражаттары тажик бийлигин мекенинде өмүр бою эркинен ажыратылган ирандык миллиардер Бабак Занжаниге тиешелүү миллиарддаган долларды уурдап кетти деп күнөөлөгөн.
Акыркы жылдары эки өлкөнүн мамилеси кайрадан жакшырып, өлкөлөр ортосунда жакындашуу байкала баштады.
Тажикстанда ондогон үйлөрдү сел каптаганын бүгүн, 16-апрелде «Азаттыктын» тажик кызматы жазды. Айрыкча Вахдат шаарынын жана …
Тажикстандын күч кызматынын өкүлдөрү Москвадагы “Крокус cити” борборундагы кол салууга шек саналып камалгандардын жакындарын суракка …
2023-жылы Тажикстанда алимент төлөөдөн качкан жарандардын саны өстү. Тажикстан өкмөтүнө караштуу Сот аткаруучулар кызматынын маалыматы …
Тажикстандын Салык комитети былтыр тажик блогерлери 33,5 миллион сомони же 3 миллион долларга жакын киреше …
Тажикстандын Бажы кызматы өлкө тургундары уюлдук телефон же планшет сатып аларда сатуучулардан бажы төлөмдөрү төлөнгөн …
Ирандагы таасирдүү генерал Касем Сулейманинин киши колдуу болушунун төрт жылдыгы белгиленип жаткан маалда көрүстөндө болгон …
