Тажикстандын Хорог шаарынын тургуну Сорбон Комилов армияда кызмат өтөөдөн качканы үчүн соттолду. Бул тууралуу Тажикстандын Башкы прокуратурасы 1- апрелде – аскерге жазгы чакыруунун алгачкы күнүндө билдирди.
Сот өкүмүнө ылайык, Комилов «аскерде кызмат өтөөдөн качканы жана чакыруу кагазы боюнча аскер комиссариатына келбегени» үчүн бир жылга жалпы режимдеги колонияга кесилди.
Тажикстанда аскерде кызмат өтөө милдеттүү болуп эсептелет, андан качкандар жоопкерчиликке тартылат.
Башкы прокуратуранын маалыматына караганда, 2022-жылы аскерде кызмат өтөөдөн качканы үчүн 108 өспүрүм жоопкерчиликке тартылган.
Укук коргоочулардын пикиринде, аскерде кызмат өтөөдөн качууга армияда тиешелүү шарттын жоктугу, жоокерлерге жасалган орой мамиле жана үстөмдүк себеп болуп келет. Тажик өкмөтүнүн БУУнун Адам укуктары комитетине жөнөткөн баяндамасында 2019-2021-жылдары өлкөдө 100дөн ашуу жоокер армиядагы «чоңсунуудан» улам каза тапканы айтылган.
Тажикстандын Орусиядагы элчилигине караштуу Коомдук кеңеш тажик жарандары үчүн билдирүү таратып, чет өлкөлүктөр үчүн Орусиянын …
Тажикстанда 2023-жылы «балдарды окутуу жана тарбиялоо боюнча милдеттерин аткарбаган» ата-энелерге 14 миң 126 административдик иш …
23-январга караган түнү Тажикстандын чек ара офицери, 29 жаштагы Бузургмехр Умаров Исфара ооруканасында каза болгону …
Тажикстанда аялдар зомбулуктун ар кандай түрүнө кабылышат. Бул тууралуу БУУнун Өнүгүү программасынын Тажикстандагы кеңсеси жүргүзгөн …
11-октябрда Тажикстандагы май куюучу жайларда суюлтулган газдын бир литринин баасы 7 сомониден ашты. Эки күн …
Кыргызстандын Тышкы иштер министрлиги Тажикстандын Куляб шаарындагы жол кырсыгынан жабыркагандардын арасында кыргызстандыктар жок экенин билдирди. …
