Тажикстандын Хатлон облусунда жергиликтүү бийлик уландарды армияга тартуу үчүн жаңы ыкма ойлоп тапты. Аскерде милдет өтөөгө өз эрки менен макул болгондорго автоунаа айдоону үйрөтүүнү, айдоочулук күбөлүк берүүнү убадалашууда.
Хатлон облусунун акимчилиги айдоочулук курстары 1-апрелден тарта башталарын билдирди. Тажикстанда машине башкарууну үйрөнүп, айдоочулук күбөлүк алууга орточо 3 миң сомони (300 доллар) керек.
Жергиликтүү бийлик бул курстардан окуган жигиттер армияда айдоочу же автоунаа оңдоо боюнча чебер болуп иштей алышарын белгилөөдө. Ыктыярчылар үч ай ичинде машине айдаганды жана оор жүк ташуучу унааларды оңдогонду үйрөнүшөт.
Мурдагы жылдары бийлик армияга барып келген жигиттерге жер тилкелерин кесип берүүнү убада кылып, бирок сөзүнө турган эмес.
Тажикстанда уландарды аскерге мажбурлап алып кеткен учурлар арбын. Армияда бири-бирине үстөмдүк көрсөтүү, жоокерлер үчүн ыңгайлуу шарттардын жоктугу, тамак-аштын начардыгы Тажикстан Куралдуу күчтөрүнүн негизги көйгөйү болуп эсептелет.
Тажикстанда армияга чакыруу өнөктүгү жылына эки жолу – жазында жана күзүндө болот. Ар биринде аскерге милдет өтөөгө 18-27 жаштагы 16 миңге жакын жигит чакырылат.
Тажикстандын Орусиядагы элчилигине караштуу Коомдук кеңеш тажик жарандары үчүн билдирүү таратып, чет өлкөлүктөр үчүн Орусиянын …
Тажикстанда 2023-жылы «балдарды окутуу жана тарбиялоо боюнча милдеттерин аткарбаган» ата-энелерге 14 миң 126 административдик иш …
23-январга караган түнү Тажикстандын чек ара офицери, 29 жаштагы Бузургмехр Умаров Исфара ооруканасында каза болгону …
Тажикстанда аялдар зомбулуктун ар кандай түрүнө кабылышат. Бул тууралуу БУУнун Өнүгүү программасынын Тажикстандагы кеңсеси жүргүзгөн …
11-октябрда Тажикстандагы май куюучу жайларда суюлтулган газдын бир литринин баасы 7 сомониден ашты. Эки күн …
Кыргызстандын Тышкы иштер министрлиги Тажикстандын Куляб шаарындагы жол кырсыгынан жабыркагандардын арасында кыргызстандыктар жок экенин билдирди. …
