Согд облусунун Бобожон Гафуров райондук сотунун мурдагы судьясынын катчысы Азиза Хайдарова алдамчылык иши боюнча кармалганы белгилүү болду.
“Озоди” радиосу кабарлагандай, ал 10-июнда Хожентте кармалган. Ушул тапта Душанбе шаардык ички иштер башкы башкармалыгынын убактылуу тергөө жайында.
Азиза Хайдарованын апасы Барно Хайдарова 6-июлда “Озоди” радиосуна билдиргендей, кызы турак жай сатуу-сатып алуу ишинде алдамчылыкка айыпталууда.
“Азизанын кандай тиешеси бар, бул үйдү мен эки жыл мурун Орусияда иштеп таап келген акчама сатып алгам”, — деди ал.
Барно Хайдарованын айтымында, кызы эч кандай мыйзамсыз иш жасаган эмес. Тергөөчүлөр аны мурдагы жетекчиси – судья Рустам Сайдахмадзодага каршы көрсөтмө берүүгө мажбурлашууда. Судья 29-июнда кармалып, эки айга камалган.
Барно Хайдарова Тажикстан жетекчилигине кат жолдоп, кызына карата козголгон кылмыш ишинин адилеттүү тергелишине көмөк көрсөтүүнү сураган.
Согд облусунун Бобожон Гафуров райондук сотунун судьясы Рустам Сайдахмадзода кармалгандан бир апта өткөндөн кийин ээлеген кызматынан расмий түрдө бошотулду. Тажикстан президентинин 6-июлдагы жарлыгында Сайдахмадзода “соттордун ар-намысын булгаган иштерге барганы үчүн” кызматтан алынганы белгиленген.
43 жаштагы Сайдахмадзода “кызмат абалынан ашкере пайдаланууга” жана “кылмыш жөнүндө жалган маалымат берүүгө” айыпталууда. Бирок ал өзүн күнөөлүү деп эсептебейт.
Ал Бободжон Гафуров районунун судьялыгына 2017-жылы дайындалган. Ага чейин Шахристан райондук сотунун судьясы болгон.
Тажикстандын Орусиядагы элчилигине караштуу Коомдук кеңеш тажик жарандары үчүн билдирүү таратып, чет өлкөлүктөр үчүн Орусиянын …
Ырчы, акын жана активист Аскат Жетигенге 15-мартында Фейсбуктагы баракчасында жасаган кайрылуусу боюнча Кылмыш-жаза кодексинин “Массалык …
Тажикстанда 2023-жылы «балдарды окутуу жана тарбиялоо боюнча милдеттерин аткарбаган» ата-энелерге 14 миң 126 административдик иш …
Башкы прокуратура тарабынан соттук чечимдердин аткарылышына карата текшерүү жүргүзүлүп, жыйынтыгында Октябрь районунун сот аткаруучусуна карата …
23-январга караган түнү Тажикстандын чек ара офицери, 29 жаштагы Бузургмехр Умаров Исфара ооруканасында каза болгону …
УКМК «24.kg» маалымат агенттиги боюнча маалымат таратып, иш козголгонун билдирди. Атайы кызмат тараткан маалымат боюнча, …
