Тажикстандын Бохтар шаарында акыркы күндөрү классташтары менен бирге Нооруз майрамына карата өтө турган иш-чарага даярдык көрүп жактан 8-класстын окуучусу Шахноза Сафарова каза болду.
Маркум окуучунун жакындары ал пневмония менен ооруганын билдиришти. 14-мартта анын дене табы көтөрүлүп, эртеси каза болуп калган.
«Ал пневмония болуп ооруйт. Акыркы бир нече күндө дене табы жогору жүргөн. Биз ага анча деле маани берген эмеспиз. 14-мартта ал мектепте өзүн жаман сезип, ооруканага жеткирилген. Дарыгерлер анын өмүрү үчүн 10-12 саат күрөшүп, бирок аман алып кала алышкан жок. Анын өпкөсү сууга толуп калыптыр», — деди маркумдун агасы Хайдарали Сафаров.
Шаардагы №15 мектептин жетекчилиги Шахноза Сафарова Нооруз майрамына карата даярдыктын алкагында «маршировкага» катышканын ырастап, бирок мектепте анын пневмония менен ооруй турганын билбегендиктерин айтышты.
Хатлон облусунун Бохтар шаары менен Жалолиддин Балхи районунда Нооруз майрамына карата даярдык көрүү иштери жүрүп, ага жүздөгөн окуучулар менен студенттер катышып жатышат. Ал иш-чарага президент Эмомали Рахмон келе турганы кабарланууда.
Тажикстанда түрдүү маданий иш-чараларга студенттер менен окуучуларды катыштыруу тажрыйбасы кеңири жайылган. Нооруз, Жаштар күнү, Эгемендик күнү же Улуттук биримдик күнү өңдүү майрамдарды белгилөөнүн алкагында өтө турган параддар менен жүрүштөргө катышкан адамдардын саны 50-60 миңге жетиши мүмкүн.
Тажикстандын Орусиядагы элчилигине караштуу Коомдук кеңеш тажик жарандары үчүн билдирүү таратып, чет өлкөлүктөр үчүн Орусиянын …
Тажикстанда 2023-жылы «балдарды окутуу жана тарбиялоо боюнча милдеттерин аткарбаган» ата-энелерге 14 миң 126 административдик иш …
23-январга караган түнү Тажикстандын чек ара офицери, 29 жаштагы Бузургмехр Умаров Исфара ооруканасында каза болгону …
Тажикстанда аялдар зомбулуктун ар кандай түрүнө кабылышат. Бул тууралуу БУУнун Өнүгүү программасынын Тажикстандагы кеңсеси жүргүзгөн …
11-октябрда Тажикстандагы май куюучу жайларда суюлтулган газдын бир литринин баасы 7 сомониден ашты. Эки күн …
Кыргызстандын Тышкы иштер министрлиги Тажикстандын Куляб шаарындагы жол кырсыгынан жабыркагандардын арасында кыргызстандыктар жок экенин билдирди. …
