11-октябрда Тажикстандагы май куюучу жайларда суюлтулган газдын бир литринин баасы 7 сомониден ашты.
Эки күн мурун күйүүчү майдын бул түрүнүн литри 6,5 сомони болчу. Айдоочулардын айтымында, акыркы күндөрү айрым май куюучу жайларда суюлтулган газдын тартыштыгы байкалууда.
Тажикстанда унаалардын кеминде 60% суюлтулган газ менен жүрөт, себеби ал бензин жана дизель отунуна салыштырмалуу арзаныраак.
Тажикстанда суюлтулган газдын баасы акыркы жолу быйыл август айында 2 сомониге жогорулаган.
Тажикстандын Монополияга каршы күрөшүү кызматы суюлтулган газ өндүргөн өлкөлөрдүн өзүндө да кымбатчылык байкалып жатканын кабарлады.
Расмий маалыматтар боюнча, Тажикстанга суюлтулган газдын 90% жакыны Казакстандан келет. Мындан тышкары өлкө Өзбекстандан, Түркмөнстандан жана Орусиядан да газ сатып алат.