Августта 10 миллионунчу тажикстандык жарык дүйнөгө келет деп күтүлүүдө. Бул тууралуу «Озоди» радиосу кабарлады.
2020-жылы жүргүзүлгөн эл каттоонун жыйынтыгына ылайык, Тажикстанда калктын саны 9 миллион 661 миң кишини түзгөн. Алардын 4 миллион 901 миңи эркектер, 4 миллион 760 миңи аялдар болгон.
«Азия-Плюс» агенттиги өлкөнүн Сатистика агенттигине шилтеме кылып, Тажикстанда калктын саны 2022-жылдын биринчи кварталында 9 миллион 934 миң кишини түзгөнүн билдирүүдө.
9 миллионунчу тажикстандык 2018-жылы 26-майда жарык дүйнөгө келген. Душанбенин мэри анын ата-энесине шаардан үч бөлмөлүү батир белек кылган.
Тажикстан мурдагы советтик өлкөлөрдүн ичинен төрөт көрсөткүчү боюнча алдыңкы орунда турат. Өлкөнүн Улуттук өнүгүү стратегиясына ылайык, 2030-жылга карата Тажикстан калкынын саны 11 миллиондон ашат. Расмий статистикалык маалыматка ылайык, өлкөнүн калкы жыл сайын 200 миң кишиге көбөйүүдө.
Тажикстан расмий түрдө төрөттүн санын чектөөгө аракет кылып, үй-бүлөлөргө азыраак балалуу болууну сунуштаган Борбор Азиядагы жалгыз өлкө.
Үч жыл мурда Тажикстандын өкмөтү 2019-2022-жылдарга карата тукум улоо саламаттыгынын мамлекеттик программасын жактырган. Ага ылайык, Саламаттык сактоо министрлигине бардык медициналык мекемелерди бойго бүтүрбөөчү дарылар жана каражаттар менен бекер камсыз кылуу тапшырмасы берилген. Мындан тышкары адистер аялдардын саламаттыгына басым жасап, келиндер ден соолугуна зыян келбеши үчүн бир канча жыл эс алып төрөшү керек экенин түшүндүрүп турушары айтылган.
Тажикстандын Орусиядагы элчилигине караштуу Коомдук кеңеш тажик жарандары үчүн билдирүү таратып, чет өлкөлүктөр үчүн Орусиянын …
Тажикстанда 2023-жылы «балдарды окутуу жана тарбиялоо боюнча милдеттерин аткарбаган» ата-энелерге 14 миң 126 административдик иш …
23-январга караган түнү Тажикстандын чек ара офицери, 29 жаштагы Бузургмехр Умаров Исфара ооруканасында каза болгону …
Тажикстанда аялдар зомбулуктун ар кандай түрүнө кабылышат. Бул тууралуу БУУнун Өнүгүү программасынын Тажикстандагы кеңсеси жүргүзгөн …
11-октябрда Тажикстандагы май куюучу жайларда суюлтулган газдын бир литринин баасы 7 сомониден ашты. Эки күн …
Кыргызстандын Тышкы иштер министрлиги Тажикстандын Куляб шаарындагы жол кырсыгынан жабыркагандардын арасында кыргызстандыктар жок экенин билдирди. …
