23-июлда Душанбе шаарындагы №2 төрөт үйүндө Тажикстандын 10 миллионунчу жараны жарык дүйнөгө келди. Бул тууралуу өлкөнүн улуттук «Ховар» агенттиги билдирди.
Маалыматка караганда, Фирдавс деген ысым берилген наристе 3 килограмм 250 грамм салмакта төрөлүп, бою 50 сантиметрди түзөт.
10 миллионунчу тажикстандыктын атасы Фаридун Баротов эмгек мигранты, апасы Махфират Шокирова үй кожойкеси. Мамлекет аларга Душанбе шаарынан үч бөлмөлүү батир белек кылды.
15-июлда Тажикстандын юстиция министри Музаффар Ашуриён быйыл алты айдын ичинде өлкөдө 111,5 миң бала төрөлгөнүн билдирген. Бул 2021-жылдын ушул мезгилиндеги көрсөткүчкө салыштырмалуу 6% көп.
2020-жылы жүргүзүлгөн эл каттоонун жыйынтыгына ылайык, Тажикстанда калктын саны 9 миллион 661 миң кишини түзгөн. Алардын 4 миллион 901 миңи эркектер, 4 миллион 760 миңи аялдар болгон.
Тажикстан мурдагы советтик өлкөлөрдүн ичинен төрөт көрсөткүчү боюнча алдыңкы орунда турат. Өлкөнүн Улуттук өнүгүү стратегиясына ылайык, 2030-жылга карата Тажикстан калкынын саны 11 миллиондон ашат. Расмий статистикалык маалыматка ылайык, өлкөнүн калкы жыл сайын 200 миң кишиге көбөйүүдө.
Тажикстандын Орусиядагы элчилигине караштуу Коомдук кеңеш тажик жарандары үчүн билдирүү таратып, чет өлкөлүктөр үчүн Орусиянын …
Тажикстанда 2023-жылы «балдарды окутуу жана тарбиялоо боюнча милдеттерин аткарбаган» ата-энелерге 14 миң 126 административдик иш …
23-январга караган түнү Тажикстандын чек ара офицери, 29 жаштагы Бузургмехр Умаров Исфара ооруканасында каза болгону …
Тажикстанда аялдар зомбулуктун ар кандай түрүнө кабылышат. Бул тууралуу БУУнун Өнүгүү программасынын Тажикстандагы кеңсеси жүргүзгөн …
11-октябрда Тажикстандагы май куюучу жайларда суюлтулган газдын бир литринин баасы 7 сомониден ашты. Эки күн …
Кыргызстандын Тышкы иштер министрлиги Тажикстандын Куляб шаарындагы жол кырсыгынан жабыркагандардын арасында кыргызстандыктар жок экенин билдирди. …
