Жогорку Кеңештин мурдагы депутаты Өмүрбек Текебаев отурган камерага видеобайкоо орнотулду. Бул тууралуу SUPER.KG’ге 29-январда Жазаларды аткаруу мамлекеттик кызматынын басма сөз катчысы Элеонора Сабатарова билдирди.
Анын айтымында, мындай аракет Текебаевдин коопсуздугу үчүн болду.
«Кылмыш-жаза кодексинин 55-беренесинин негизинде соттолгон адамдын коопсуздугу үчүн администрация видеокөзөмөл орнотууга укуктуу. Бирок бул соттолгон адам менен жазуу түрүндө келишимге келип, анын макулдугу менен гана ишке ашат. Өмүрбек Текебаевге да видеокөзөмөл орнотулду», — деп билдирди Сабатарова.
Белгилей кетсек, 2017-жылы 16-августта Бишкек шаарынын Биринчи Май райондук соту Өмүрбек Текебаевди жана мурдагы элчи Дүйшөнкул Чотоновдуар бирин 8 жылга эркинен ажыраткан. 2-октябрда Бишкек шаардык соту, 21-ноябрда Жогорку Сот Текебаев менен Чотоновго карата Биринчи Май райондук сотунун өкүмүн күчүндө калтырган.
Булак. Супер.кж
