Бишкектин Жал кичи районундагы Эне жана баланы коргоо улуттук борборуна кайрылган бейтап каза болду. Маркум Тышкы иштер министрлигинин кызматкери Бахтияр Шакиров экени айтылды. Ленин райондук милициясынын маалыматы боюнча, Шакиров ооруканага дарыларын көтөрүп барып асма ийне жана укол алгандан кийин көз жумган.
Бул арада Саламаттык сактоо жана социалдык өнүгүү министринин мурдагы кеңешчиси Елена Баялинова Шакиров Covid-19 илдетине каршы вакцина алганын маркумдун жакындарына таянуу менен билдирди. Анын айтымында, дарыгерлер бул фактыны эске алып, эмдөөдөн өтө турган жарандарды кылдат текшерүүдөн өткөрүшү керек.
Ал эми Республикалык иммундук профилактика борборунун директору Гүлбара Ишенапысова маркумдун аты эмделгендердин тизмесинде жок экенин айтып, окуя боюнча атайын түзүлгөн комиссия иштеп жатканын кабарлады.
Медицина боюнча эксперт Айбар Султангазиев вакцина маселесине байланыштуу такталбаган маалыматтар бүгүнкү күндө элдин үрөйүн учуруп жатканын айтып, эмдөө боюнча элге түшүндүрүү иштери дыкат жүрүшү керектигин белгиледи.
Кыргызстан коронавируска каршы эмдөөнү 29-мартта Кытай берген SinoPharm вакцинасы менен баштаган. Планга ылайык биринчи этапта медкызматкерлер, күч кызматкерлери, мугалимдер жана соцкызматкерлер эмделет. Дипломатиялык мекеме өкүлдөрү бул тайпага кирбейт. Бүгүнкү күнгө дейра 400дөн ашуун жаран эмдөөдөн өткөнү менен кооптонгондор дагы жок эмес.
АЯНТТАГЫ ТУУ КАЙРА АЛМАШТЫ Мамлекеттик катчы Сүйүнбек Касмамбетов 1-январда Бишкектеги “Ала-Тоо” аянтында макулдашылбаган туу илингенин …
13-декабрда саламаттык сактоо министри Алымкадыр Бейшеналиев Эне жана баланы коргоо улуттук борборунун кыска мөөнөттүү тез …
Кыргызстанда кызамыктын алдын алуу үчүн эмдөө менен камтуу 77%ды түзөт. Бул тууралуу Саламаттык сактоо министрлигинен …
Кыргызстанда 450 миңден ашык бала кызамыкка жана кызылчага каршы кошумча эмдөө алышты. Бул тууралуу Саламаттык …
Бүгүн, 12-сентябрда Кыргызстанга кызамык-кызылча вакцинасынын 755 миң 500 дозасы келди. Саламаттык сактоо министрлигинен билдиришкендей, вакциналарды …
Европалык эмдөө жумалыгынын алкагында эки күндүн ичинде 500дөн ашык бала эмдөөдөн өттү. Бул тууралуу Саламаттык …
