Москвада массалык мушташка катышкандардын арасында кыргызстандыктар жок. Бул тууралуу Тышкы иштер министрлиги Кыргызстандын Орусиядагы элчилигине таянып билдирди.
Орусиялык басылмалар 14-апрелде Москвадагы «Метроном» курулуш комплексинде иштеген мигранттар массалык мушташка катышканын жазып чыгышкан.
Милицияга 20га жакын адам жеткирилип, жаңжалдын катышуучулары миграциялык мыйзамдардын талаптарын сактоо боюнча текшерилип жатканы кошумчаланган.