Казакстанда премьер-министрдин мурдагы биринчи орун басары Алихан Смаилов башында турган өкмөттүн жаңы курамы бекитилди. Министрлер кабинетинин көпчүлүк мүчөлөрү өз орундарын сактап калышса, кээ бирлери кызматтык тепкичтен көтөрүлүштү.
Казакстандын президенти Касым-Жоомарт Токаев кол койгон Жарлыкка ылайык, Аскар Умаров Маалымат жана коомдук өнүгүү министрлигин жетектемей болду.
Көп өтпөй, орус басылмалары кызматка дайындалган Аскар Умаров буга чейин «ТүркМедиа» деген лакап ат менен социалдык тармактарда Орусияга байланыштуу чуулгандуу билдирүүлөр менен комментарийлерди калтырып жүргөнүн жазып чыгышты.
Бул арада «Россотрудничество» уюмунун башчысы Евгений Примаков Казакстандын Маалымат жана коомдук өнүгүү министри менен иштешүүдөн баш тартышканын Telegram-каналына жазды.
«Россотрудничество Казакстандын ички иштерине кийлигишүүнү каалабайт, бирок өлкөнүн жаңы маалымат министри Аскар Умаров менен иштешүүдөн баш тартат»,-деп жазган ал.
Ал эми Умаров өзүнө коюлган айыптарга төмөндөгүдөй жооп берген.
«Россия Федерациясынын биздин өлкөгө көрсөткөн колдоосу ыраазычылыкка арзыйт. Мен дагы бир жолу коңшулар менен бир туугандык мамилелерге берилгендигимди ырастагым келет», — деген Умаров.
Ал эми Кремлдин басма сөз катчысы Дмитрий Песков Орусия Аскар Умаровдун мурунку ыңгайсыз сөздөрүнө эмес, кызматтагы жаңы сөздөрүнө баа бере турганын билдирип, Казакстандын бардык өкмөт мүчөлөрү менен иштешүүгө даяр экендигин кабарлаган.
Подмосковьедеги Балашиха шаарында 14 киши, анын ичинде төрт полиция кызматкери мыйзамсыз миграция уюштурууга шектелип кармалды. …
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
25-мартта Москванын Басман райондук соту «Крокус Сити Холлдогу» террордук чабуулга байланыштуу дагы үч кишини камакка …
Орусиянын президенти Владимир Путин 24-мартты аза күтүү күнү деп жарыялады. Путин өз кайрылуусунда каза болгондордун жакындарына көңүл …
Тышкы иштер министрлиги Кыргызстандын Орусиядагы элчилиги менен бирге Москванын четиндеги Красногорск шаарындагы «Крокус Сити Холл» …
Кыргызстандын Тышкы иштер министрлиги «Крокус сити холлдогу» террордук актка байланыштуу Москвадагы кыргызстандыктарды эл көп чогулган …
