Казакстандын президенти Касым-Жомарт Токаев өзгөчө оор кылмыштар үчүн кылмыш жоопкерчилигин күчөтүүгө чакырды. Бул тууралуу Акордонун басма сөз кызматы билдирди.
Токаев мындай кайрылууну Түркстан облусунун Сарыагаш районунун Жибек Жолу айылында беш жашар кыз өлтүрүлгөндөн кийин жасады.
Мамлекет башчысы Башкы прокуратура менен Ички иштер министрлигине окуянын чоо-жайын «дыкат иликтөөнү» тапшырды.
13-июль күнү Сарыагаш райондук ички иштер бөлүмүнө жергиликтүү тургун кайрылып, 2018-жылы туулган кызы жоголуп кеткенин билдирген.
Эртең менен милиция жоголгон кыздын сөөгү айыл тургундарынын биринин үйүнөн табылганын кабарлаган. Түркстан облустук ички иштер башкармалыгы кыздын өлүмү «Киши өлтүрүү» беренеси менен иликтенип жатканын, шектүү убактылуу кармоочу жайга киргизилип, экспертиза дайындалганын билдирген.
«Баштапкы маалыматтарга караганда, шектүү мурда адам өлтүрүү беренеси менен 10 жылга эркинен ажыратылган. Быйыл ден соолукка атайылап оор залал келтиргендиги үчүн үч жылга эркиндиги чектелген», — деп жазылган Акордонун билдирүүсүндө.
Токаев быйыл чыгарылган өкүмдөрдүн мыйзамдуулугун карап чыгууну тапшырды. Ал адамга каршы жасалган өзгөчө оор кылмыштар үчүн кылмыш жоопкерчилигин күчөтүү маанилүү деп эсептейт.
Касым-Жомарт Токаев Казакстан өкмөтүнө казак-кыргыз чек арасындагы кырдаалды жөнгө салууну тапшырды. Бул тууралуу Sputnik Казакстан маалымат агенттиги …
Президент Садыр Жапаров бүгүн Казакстандын президенти Касым-Жомарт Токаевге өлкөнүн чыгышындагы токой өрттөрүнүн кесепетинен адамдардын курман …
Казакстандын президенти Касым-Жомарт Токаев «Европа Биримдиги — Борбордук Азия» экинчи саммитине катышуу үчүн Чолпон-Ата шаарына келди. …
Кыргызстан менен Казакстандын президенттери жакшы маанайда пикир алышып жаткан сүрөтү 24-майда Москвада “Көп полярдуу дүйнөдөгү …
Казакстандын бийлиги жылуулук үчүн тарифтерди жогорулатууну караштырып жатат. Бул тууралуу өлкө президенти Касым-Жомарт Токаев социалдык-экономикалык …
Казакстан президенти Касым-Жомарт Токаев менен Азербайжандын президенти Илхам Алиев тар курамда сүйлөштү. Бул тууралуу Акорданын …
