УКМКнын басма сөз кызматы журналист Семетей Талас уулу кандай иш боюнча кармалганы тууралуу маалымат берди.
Маалыматка ылайык, 2022-жылдын 18-февралында Кыргыз Республикасынын Улуттук коопсуздук мамлекеттик комитети тарабынан кылмыш ишинин алкагында Кылмыш-жаза кодексинин 332-беренеси (Экстремисттик материалдарды таратуу) боюнча Кыргыз Республикасынын С.Т. аттуу жараны алынып келинген.
Учурда тиешелүү иликтөө иштери жүрүп жатат.
Эске салсак, бүгүн, 18-февралда Семетей Талас уулунун үйүн тинтүүгө алып, өзүн алып кетишкени кабарланган.
