Март айында гуманитардык коридор аркылуу Украинанын Одесса шаарынан Румыниянын баш калаасы Бухарестке качууга аргасыз болгон өзбекстандык эже-сиңди мекенине кайтып келди. Бул тууралуу «Дунё» агенттиги Өзбекстандын Стамбулдагы Башкы консулдугуна шилтеме кылып кабарлады.
Маалыматка караганда, 30 жаштагы Алина жана 28 жаштагы Эльвина Исмагиловалар 1-апрелде Бухаресттен Өзбекстандын Стамбулдагы консулдугуна кайрылып, Ташкентке кетүүгө жардам сурашкан.
Эже-сиңди өзбек дипломаттарынын жардамы менен 2-апрелде Стамбулга жеткирилип, 5-апрелде демөөрчүлөр сатып берген авиабилет менен Өзбекстанга учуп келишкен.
Буга чейин Өзбекстандын Тышкы иштер министрлиги 28-февралдан 24-мартка чейин Украианын согуш болуп жаткан аймактарынан 27 аба каттамы менен 6030 өзбек жараны алып келингенин кабарлаган.
