Ички иштер министрлигинин “Унаа” мамлекеттик мекемесинин Жалал-Абад облусу боюнча аймактык башкармалыгынын оператору жана ортомчу кармалды. Бул тууралуу Улуттук коопсуздук мамлекеттик комитетинин басма сөз кызматы билдирди.
Маалыматка ылайык, 2022-жылдын 26-апрелинде УКМК тарабынан КР Кылмыш-жаза кодексинин 343-беренесинин 1-бөлүгүндө («Пара талап кылуу») боюнча каралган кылмыш ишинин алкагында пара алып жаткан жеринен “Унаа” мамлекеттик мекемесинин Жалал-Абад облусу боюнча аймактык башкармалыгынын кызматкери жана ортомчу кармалды.
“Унаа” мамлекеттик мекемесинин Жалал-Абад облусу боюнча аймактык башкармалыгынын оператору А.М.И. ортомчу Б.Ш.Ж. аркылуу Жалал-Абад шаарынын тургунунан айдоочунун күбөлүгүн алуу үчүн экзаменди тапшыруу маселесин оң жагына чечип берүү үчүн коркутуу жолу менен акча каражатын талап кылганы аныкталган. Жүргүзүлгөн ыкчам-иликтөө иш-чараларынын натыйжасында “Унаа” мамлекеттик мекемесинин Жалал-Абад облусу боюнча аймактык башкармалыгынын оператору А.М.И. жана ортомчусу Б.Ш.Ж. пара алып жаткан жеринен кармалды»,-деп айтылат маалыматта.
Шектүүлөр убактылуу кармоочу жайына киргизилди.
Унаа” мамлекеттик мекемеси 7-8-ноябрь күндөрү иштебейт. Бул тууралуу ИИМдин басма сөз кызматы кабарлады. Маалыматка ылайык, …
