Веб-камера студиясынын мурдагы уюштуруучусу Даниел Аджиевге унаасын мыйзамсыз караңгылатып алганы үчүн айып салынды. Бул тууралуу Бишкек ШИИБден билдиришти.
Маалым болгондой, айдоочу кечээ 23-февралда кармалган. ИИМ белгилегендей, маңдайкы бетке жана алдыңкы айнектерге мыйзамсыз караңгылатуу жеке жактарга 20 миң сом, юридикалык жактарга 40 миң сом айып салууга алып келет.
Эске салсак, буга чейин Ажиевдин аты ЖМКларда айтылган: жигитке веб-камера студиясын уюштурган, ошондой эле расалык, этникалык, улуттук, диний же аймактар аралык кастыкты козуткан деген айыптар тагылган.
