Япония Бишкек шаарындагы жана Чүй облусундагы 10 бейтапканага заманбап медициналык жабдууларды берет. Бул тууралуу КР ЖКнын расмий сайтында айтылат.
Билдирүүгө ылайык, Жогорку Кеңештин депутаты Талайбек Масабиров Э. Акрамов атындагы Чүй облустук бириктирилген ооруканасында болуп, бейтапкананын техникалык абалы менен таанышты.
Депутат аталган мекемеде Япониянын эл аралык кызматташтык агенттигинин туруктуу өкүлү Кавамото Хироюки жана Япониядан келген медициналык консультанттар менен жолугушуу өткөрдү. Анда буга чейин кол коюлган меморандумдун алкагында 7,5 млн долларга саламаттык сактоо тармагына заманбап диагностикалык жабдууларды гранттык негизде берүү тууралуу сөз болду. Маалым болгондой, Япониядан келген адистер Бишкек шаарындагы жана Чүй облусундагы 10 бейтапкананы кыдырып, зарыл болгон медициналык жабдуулардын тизмесин түзүп чыгышкан. Заманбап жабдуулар толугу менен 2024-жылдын аягы, 2025-жылдын башында келиши күтүлүүдө.
Өз кезегинде эл өкүлү Талайбек Масабиров JICA агенттигине жана аталган өлкөдөн келген медицина тармагы боюнча адистерге ыраазычылыгын билдирип, алдыда дагы бир топ долбоорлорду биргелешип ишке ашыруу максатын айтты.
Ал эми Япониянын эл аралык кызматташтык агенттигинин туруктуу өкүлү Кавамото Хироюки калк үчүн маанилүү болгон гранттык долбоорлорду ишке ашырууга өзгөчө көңүл бөлүп, көмөк көрсөтүп жаткан Талайбек Масабировго ыраазычылыгын айтты.
Жолугушуунун соңунда депутат Япониялык коноктор менен биргеликте Чүй облустук оорукананын аты ыйгарылган профессор Эрнст Акрамов менен баарлашты.
1-майдан тартып Бишкектеги фонтандар иштеп баштайт. Бул тууралуу мэриянын басма сөз кызматынан кабарлашты. Маалыматка ылайык, …
Баңгизаттарды мыйзамсыз алып өтүү боюнча туруктуу канал уюштурган трансулуттук кылмыштуу топтун ишмердүүлүгү токтотулду. Бул тууралуу …
Бишкек шаарынын күнүнө карата веложарыш өтөт. Бул тууралуу Бишкек мэриясы тараткан маалыматта айтылат. Маалыматта айтылгандай, …
Бишкекте милиция кызматкерлери тарабынан бейбаштыкка шектүү жаран кармалды. Бул тууралуу Октябрь райондук милициясынан билдиришти. Маалыматка …
Чүй облусунун аймагында баңгизаттарды алып-сатып жүргөн жарандардын үйлөрүндө тинтүү иштери жүргүзүлдү. Бул тууралуу Улуттук коопсуздук …
Бишкек шаарында массалык уулануу катталып, 39 адам медициналык мекемелерге кайрылган. Бул тууралуу Санитардык-эпидемиологиялык көзөмөлдөө борборунан …
