Ырчы Самара Каримова эми актрисалык жолду тандайбы (видео)
Ырчы Самара Каримова эми актрисалык жолду тандайбы (видео)
16 Жалган куран 2018 17:18 Бишкек Govori.TV
Бишкек 16.03.18. Govori.TV
Эгер актриса же ырчы бол десе мен эки кесипти тең тандамакмын. Бул туурасында ырчы жана актриса Самара Каримова Govori.TV сайтына билдирди.
«Мен азыр ушунчалык толкунданып турам. «Илегилек» драмасы борборубуз Бишкекте үч күн бою аншлаг менен өтүп менин маанайым абдан жакшы. Учурдан пайдаланып баардык көрүүчүлөргө ыраазычылык айтам» -дейт Каримова.
Белгилей кетсек, борбордогу Т.Абдымомунов атындагы улуттук академиялык драма театрында драматург, жазуучу Султан Раевдин калемин таандык «Илегилек» драмасы коюлуп, алгачыкы күнүндө Кыргыз Республикасынын Эл артисти Жамал Сейдакматова башкы ролду ойногон Самара Каримова менен спектаклдин ачылышы өзгөчө болгонун белгилеп «башкы каармандын ролун чын жүрөгүң менен аткар» деген сөүн айткан.
Эске сала кетсек, ушул жылдын 15-16-17-февраль айында “Илегилек” драмасы Ош шаарында коюлган. Үч күн катары менен коюлган спектакль аншлаг менен өткөн.
