Ысык-Көл облусунда коллегия учурунда телефонун карап отурган кызматкер залдан чыгарылды. Бул тууралуу видео социалдык тармактарга жарыяланды.
8-февраль күнү Ысык-Көл облусунда 2022-жылы аткарылган жумуштардын жыйынтыгын чыгарган коллегиялык кеңешме өткөн.
Жыйынга Министрлер Кабинетинин төрагасынын биринчи орун басары Адылбек Касымалиев, Кыргыз Республикасынын Президентинин Ысык-Көл облусундагы ыйгарым укуктуу өкүлү Илияз Иманбетов, облустук, райондук мекеме-уюмдарынын башчылары, райондук мамлекеттик администрация башчылары-акимдер жана айыл өкмөт башчылары катышкан.
Кеңешмеде Президенттин жарлыктарын, Министрлер Кабинетинин тескемелерин, Кыргыз Республикасынын Президентинин Ысык-Көл облусундагы ыйгарым укуктуу өкүлүнүн тапшырмаларын жетиштүү деңгээлде аткарбаган бир нече жетекчилерге эскертүү берүү сунушу берилген.