Ысык-Көл облусундагы жеке менчик лагердеги жашы жете элек эркек бала сексуалдык зомбулукка кабылганын Кыргызстандын балдар укугу боюнча ыйгарым укуктуу өкүлү Жыпариса Рысбекованын маалыматына таянып, АКИpress агенттиги жазды.
Маалыматка караганда, окуя 7-августта Ысык-Көл районунун Тору-Айгыр айылында жайгашкан жайкы лагерде болгон. Анда 3 эс алуучу 2007-жылы туулган эркек баланы үйгө күч менен алып кирип, сексуалдык зомбулук көрсөткөн. Ага 17 жаштагы өспүрүмдөр шектелүүдө.
Аталган факт КЖБРга Жазык кодексинин 162-беренеси (Сексуалдык мүнөздөгү зомбулук аракеттер) менен катталды.