Ысык-Көл облусунда жер титирөө катталды. Бул тууралуу Өзгөчө кырдаалдар министрлигинин басма сөз кызматынан билдиришти.
Сейсмология институтунун маалыматына ылайык, саат 21:57де Ысык-Көл облусунун аймагында очогунда күчү 3 баллга жеткен жер титирөө катталган.
«Жер титирөө Жети-Өгүз районунун Жети-Өгүз, Ырдык, Подгорное айылдарында 3 балл, Каракол шаарында 2,5 баллга чейин сезилген»,-деп айтылат маалыматта.
Жер титирөөдөн жабыркагандар жана кыйроолор катталган жок.