Бишкекте жаш баланы сүзүп кеткен шектүү айдоочу табылды.
Бишкек ШИИБдин басма сөз кызматы билдиргендей, 20-июль күнү саат 11:55те «Мерседес Бенц Е-300» үлгүсүндөгү унаанын айдоочусу — 1999-жылы туулган У.Р. Юнусалиев менен Жантөшев көчөлөрүнүн кесилишиндеги жөө жүргүнчүлөр өтүүчү жерден 2013-жылы туулган Э.Г.ны сүзүп кеткен. Бала ар кандай жаракаттар менен ооруканага түшкөн.
Бул факты боюнча КР Кылмыш-жаза кодексинин 312-беренесине ылайык кылмыш иши козголуп, тиешелүү экспертизалар дайындалган.
Айдоочу жана башка күбөлөр суралып, окуя болгон жерден видеоматериалдар алынган. Жабырлануучунун ден соолугуна келтирилген зыяндын оордугун аныктоо үчүн соттук-медициналык экспертиза дайындалып, унаага соттук автотехникалык
жана соттук-медициналык экспертиза дайындалды. Экспертизанын жыйынтыгы боюнча Кылмыш-жаза процессуалдык кодекстин талаптарына ылайык чечим чыгарылат.
Унаа айып короого токтотулган.
