Өзүн атып алган 15 жаштагы өспүрүм ооруканада каза болду

Чүйдө кокусунан өзүнө карата ок чыгарып алган 15 жаштагы окуучу ооруканада каза болду. Маалыматты Govori.TVга Чүй ОИИБдин басма сөз кызматынан ырасташты.

Маалыматка ылайык, Өспүрүм 15-декабрга караган түнү саат 01:00дө ооруканада каза болгон.

Буга чейин Чүйдө өспүрүм кокусунан өзүнө карата ок атып алганы, ал алган жаракатынан улам аймактык ооруканага жеткирилген. Белгилей кетсек, окуя 13-декабрда Кызыл-Октябрь айылында орун алган. Анда өспүрүм гаражда турган ок атуучу куралды алып, кокусунан өзүнө карата ок чыгарып алган.

Тергөө иштеринин жүрүшүндө баланын атасы сурак берген. Анда окуя орун алардан 2 күн мурда өспүрүм куралды жайыттан таап келгенин, атасы өз кезегинде патрондорду алып, ок атуучу куралды гаражга катып койгонун билдирген. Бул иш боюнча тергөө амалдары жүрүүдө.