Өзбекстан президенти Шавкат Мирзиёев Интернетти ылдам жана арзан кылууну тапшырды. Бул тууралуу ал Өзбекстандагы маалымат-коммуникациялык технологияларды өнүктүрүү жана маалыматтык коопсуздукту камсыздоо боюнча өткөн жыйында билдирди.
Аталган жыйынга Өзбекстан премьер-министри, анын орун басарлары, өкмөт мүчөлөрү катышты.
“Мага биздин өлкөдө 20 миллион киши интернет колдонорун айтышты. Бирок кызмат көрсөтүү чектелүү болгондуктан, калктын басымдуу бөлүгү “Telegram” колдонушат”, – деди Шавкат Мирзиёев.
Ошондой эле Мирзиёев интернетке болгон бааны төмөндөтүүнү, ылдамдыгын кеминде 4 эсеге жогорулатууну, ал эми 2020-жылга карата КМШ өлкөлөрүнүн деңгээлине жеткирүүнү тапшырды.
