Өзбекстанда курамында йод бар «Антиструмин» дарысын ичкенден кийин балдардын жапырт уулануусуна байланыштуу үч дарыгер камакка алынды. Бул тууралуу өлкөнүн Жогорку сотунун басма сөз кызматы билдирди.
Маалыматка караганда, шектүүлөрдү тергөө иштери аяктаганга чейин камакка алуу чечимин Яшнабад райондук соту 7-ноябрдан 16-ноябрга чейинки аралыкта кабыл алган.
Дарыгерлер «Ири өлчөмдө акча кымыруу» жана «Кызматтык ыйгарым укуктарын ашкере пайдалануу менен өзгөчө ири өлчөмдө зыян келтирүү, санитардык мыйзамдарды, эрежелерди бузуу» беренелери боюнча айыпталууда.
Буга байланыштуу Өзбекстандын Дарыгерлер ассоциациясы президент Шавкат Мирзиёевге кайрылуу жасап, камакка алынган аял дарыгерлерге жеңилирээк жаза берүүнү өтүнүштү. Ассоциациянын маалыматына караганда, үч дарыгер тең доктордук даражага ээ окумуштуулар болуп эсептелишет. Билдирүүдө көз карандысыз адвокаттар «Ири өлчөмдө акча кымыруу» беренеси боюнча айыптын туура тагылганынан күмөн санап жатышканы белгиленген.
Өз кезегинде өлкөнүн Башкы прокуратурасы бул кайрылуу боюнча билдирүү таратып, «мындай маалыматтардын жарыяланышы тергөө иштерин объективдүү жүргүзүүгө тоскоол кыларын» белгилеп, бардык тараптарды «тергөө аяктаганга чейин социалдык түйүндөргө эч кандай маалымат чыгарбоого чакырды».
21-сентябрда Наманган облусунун Чуст районунда «Антиструмин» дарысын ичкен 71 бала уулануу белгилери менен ооруканага жеткирилген.
Өлкөнүн Саламаттык сактоо министрлиги балдар дарынын курамындагы йодго ууланганын эки айдан кийин гана расмий түрдө мойнуна алган.
15-майдан тарта Өзбекстанда ылдам жүрүүчү «Афросиаб» электр поезддеринин билеттеринин баасы көтөрүлөт. Бул тууралуу «Өзбек темир …
Быйылкы жылдын январь-март айларында Өзбекстан 2 миллиард 664 миллион 300 миң долларга алтын экспорттогон. Өзбекстандын …
25-28-апрель күндөрү күтүлүп жаткан нөшөрлөгөн жаандан улам Өзбекстандын бери дегенде эле тогуз аймагында сел жүрүшү …
16-апрелде Термез шаардык акимчилигинин алдындагы оюн-зоок паркында чынжыр үзүлүп кетип, төрт адам, анын ичинде эки …
15-апрелде «Өзбекстан аба жолдору» авиакомпаниясы Жакынкы Чыгыштагы кырдаалга байланыштуу Ташкент-Тель-Авив-Ташкент багыты боюнча каттамдарды токтотту. Компаниянын …
Өзбекстандын Ички иштер министрлиги (ИИМ) үй камагына алынган же эркиндиги чектелген адамдарга аралыктан көзөмөл кылуунун …
