Чыгыш Европа, Борбор Азия жана Кавказдагы мөмө-жемиш рыногун изилдеген EastFruit эл аралык аналитикалык порталынын маалыматына караганда, Өзбекстан өкмөтүнүн күнөсканаларда газды өчүрүү чечими бул тармакка коркунуч туудурууда.
Басылманын маалыматына караганда, миллиондогон доллар насыя алган өзбек ишкерлери Түркмөнстан менен Орусиядагы атаандаштарына жеңилип жатышат. Себеби ал жакта газ арзан. Басылманын эксперттери өзбек бийлигинин күнөсканаларды көмүргө өткөрүү чечимин «жаман чечим» катары баалашты.
12-20-декабрда көптөгөн күнөсканаларда өстүрүлгөн помидор, бадыраң, калемпирлер газдын басымы төмөндөп, электр энергиясы күтүүсүз өчүрүлгөндүктөн үшүп кеткен.
Бухара районундагы дыйкан Дадахан Ахматов өзүнүн 1 гектар күнөсканасында бышкан 80 тонна помидор бир күндө үшүп кетерин ойлогон да эмес.
Ишкер быйылкы түшүмүн сатып, газга карызын төлөөнү пландаган, бирок азыр эч нерсеси жок. Кайра отургузуп, иштей баштаса болот, бирок күнөсканаларды солярка менен жылытуу үч эсе кымбатка турат. Бир жагынан банк насыяларды төлөөнү талап кылууда.
Дүйнөлүк банк Өзбекстанга энергетика тармагындагы зыяндуу газды азайтуу боюнча мамлекеттик саясатты ишке ашыруу үчүн 46,2 миллион доллар өлчөмүндө грант бөлгөн. Бирок жардамга карабай, Өзбекстан өкмөтү күнөсканаларды көмүргө өткөрүү кадамынан баш тарткан эмес.
15-майдан тарта Өзбекстанда ылдам жүрүүчү «Афросиаб» электр поезддеринин билеттеринин баасы көтөрүлөт. Бул тууралуу «Өзбек темир …
Быйылкы жылдын январь-март айларында Өзбекстан 2 миллиард 664 миллион 300 миң долларга алтын экспорттогон. Өзбекстандын …
25-28-апрель күндөрү күтүлүп жаткан нөшөрлөгөн жаандан улам Өзбекстандын бери дегенде эле тогуз аймагында сел жүрүшү …
16-апрелде Термез шаардык акимчилигинин алдындагы оюн-зоок паркында чынжыр үзүлүп кетип, төрт адам, анын ичинде эки …
15-апрелде «Өзбекстан аба жолдору» авиакомпаниясы Жакынкы Чыгыштагы кырдаалга байланыштуу Ташкент-Тель-Авив-Ташкент багыты боюнча каттамдарды токтотту. Компаниянын …
Өзбекстандын Ички иштер министрлиги (ИИМ) үй камагына алынган же эркиндиги чектелген адамдарга аралыктан көзөмөл кылуунун …
