Өзбекстандын балдар акыйкатчысы Сурайё Рахмонованын Кашкадарыя облусуна жасаган сапары учурунда Касан районундагы үй-бүлөлөрдүн бири 18ге чыга элек кызын турмушка берип жатканы аныкталды. Бул тууралуу Акыйкатчы институтунун басма сөз кызматы билдирди.
Маалыматка ылайык, жыйынтыгында ал үйлөнүү той жана ага байланышкан бардык иш-чаралар токтотулуп, расмий нике күбөлүгү жок жаштарга нике кыйган дин кызматчысын «жоопкерчиликке тартуу боюнча чаралар көрүлдү».
«Облустагы Кукдали, Касбин жана Касан райондорунда жыйындар өткөрүлүп, тургундар арасында түшүндүрүү иштери жүргүзүлдү. Аларга эрте никеге туруунун социалдык жана укуктук кесепеттери тууралуу айтылды. Ар бир мааледе, мектепте кыздарды эрте турмушка берүү учурлары текшерилүүдө. Процесс башталды. Бул жерде адамдарга мыйзамдын талаптарын жеткирүү жана алардын кыздарга карата кылымдардан бери калыптанып калган көз караштарын өзгөртүү өтө маанилүү», – деген Сурайё Рахмонова «Газете.uz» басылмасына берген маегинде.
Өзбекстанда Үй-бүлөлүк кодекстин 15-беренесине ылайык, эркектер менен кыздар 18 жаштан кийин гана турмуш кура алышат. Кыздын боюна бүтүп калган, бала төрөлгөн же жуптардын бири ишке жарамсыз деп табылган учурларда жергиликтүү бийлик жаштардын өтүнүчү менен нике курагын бир жылдан ашык эмес төмөндөтө алат.
Кылмыш кодексинин 125-беренесинде никеге туруу тартибин бузуу үчүн 20дан 150гө чейинки базалык эсептик көрсөткүч өлчөмүндө айып пул төлөтүү, 400 саатка чейин коомдук жумуштарды аткартуу же 2ден 3 жылга чейин эркинен ажыратуу жазалары каралган. Ошол эле маалда мыйзамда жашы жете электерди никеге турууга мажбурлоо үчүн жоопкерчилик жок.
15-майдан тарта Өзбекстанда ылдам жүрүүчү «Афросиаб» электр поезддеринин билеттеринин баасы көтөрүлөт. Бул тууралуу «Өзбек темир …
Быйылкы жылдын январь-март айларында Өзбекстан 2 миллиард 664 миллион 300 миң долларга алтын экспорттогон. Өзбекстандын …
25-28-апрель күндөрү күтүлүп жаткан нөшөрлөгөн жаандан улам Өзбекстандын бери дегенде эле тогуз аймагында сел жүрүшү …
16-апрелде Термез шаардык акимчилигинин алдындагы оюн-зоок паркында чынжыр үзүлүп кетип, төрт адам, анын ичинде эки …
15-апрелде «Өзбекстан аба жолдору» авиакомпаниясы Жакынкы Чыгыштагы кырдаалга байланыштуу Ташкент-Тель-Авив-Ташкент багыты боюнча каттамдарды токтотту. Компаниянын …
Өзбекстандын Ички иштер министрлиги (ИИМ) үй камагына алынган же эркиндиги чектелген адамдарга аралыктан көзөмөл кылуунун …
