Өзбекстандын Санитардык-эпидемиологиялык бейпилдик жана коомдук саламаттыкты сактоо комитети Наманган облусунда кызамык жуктурган балдардын саны кескин көбөйгөнүн ырастады.
Маалыматка ылайык, жыл башынан бери бул аймакта кызамык жуктурган 735 учур катталды. Учурда 255 бала ооруканаларда дарыланууда. Алардын 62% бир жашка чыга элек болсо, 25% үч жашка чейинки курактагылар түзөт.
Санитардык-эпидемиологиялык бейпилдик жана коомдук саламаттыкты сактоо комитетинин билдирүүсүндө жалпы өлкө боюнча кызамык менен ооругандардын саны көрсөтүлгөн эмес.
Буга чейин Дүйнөлүк саламаттык сактоо уюму 2021-жылга салыштырмалуу 2022-жылы кызамыкка чалдыккандар 18%, андан каза болгондор 40% көбөйгөнүн билдирген. Уюмдан белгилешкендей, бул вакцинациянын азайганына байланыштуу.
24-ноябрда Кыргызстандын Республикалык иммуннопрофилактика борбору өлкөдө жыл башынан бери кызамык оорусун жуктургандардын саны 4 484 адамга жеткенин билдирген. Мекеменин маалыматына караганда, бир жума мурда ооруга чалдыккандардын саны 4098 адам болчу.
Быйыл Кыргызстанда кызамыктан үч бала чарчап калды. Алар бир, төрт жаштагы эки наристе жана 13 жаштагы бир өспүрүм. Үчөө тең эмделген эмес.
Коңшу Казакстанда да кызамык жуктургандар көбөйүүдө. 21-ноябрга карата өлкөдө кызамыкка чалдыккандардын саны 16 миңге жеткени кабарланган. Алардын 82% ашыгын 14 жашка чейинки балдар түзөт.
15-майдан тарта Өзбекстанда ылдам жүрүүчү «Афросиаб» электр поезддеринин билеттеринин баасы көтөрүлөт. Бул тууралуу «Өзбек темир …
Быйылкы жылдын январь-март айларында Өзбекстан 2 миллиард 664 миллион 300 миң долларга алтын экспорттогон. Өзбекстандын …
25-28-апрель күндөрү күтүлүп жаткан нөшөрлөгөн жаандан улам Өзбекстандын бери дегенде эле тогуз аймагында сел жүрүшү …
16-апрелде Термез шаардык акимчилигинин алдындагы оюн-зоок паркында чынжыр үзүлүп кетип, төрт адам, анын ичинде эки …
15-апрелде «Өзбекстан аба жолдору» авиакомпаниясы Жакынкы Чыгыштагы кырдаалга байланыштуу Ташкент-Тель-Авив-Ташкент багыты боюнча каттамдарды токтотту. Компаниянын …
Өзбекстандын Ички иштер министрлиги (ИИМ) үй камагына алынган же эркиндиги чектелген адамдарга аралыктан көзөмөл кылуунун …
