Украинанын президенти Владимир Зеленский Грузиянын мурдагы президенти Михаил Саакашвилиге дарылануу үчүн Украинага барууга уруксат берүүнү талап кылды. Ал Саакашвилинин украин жарандыгы бар экенин эске салды.
Зеленский Тышкы иштер министрлигине Грузиянын Киевдеги элчисин чакырууну буйруду.
Зеленскийдин мындай билдирүүсүнө дүйшөмбүдөгү Саакашвилинин иши боюнча кезектеги отурум себеп болду. Ага Грузиянын мурдагы президенти ооруканадан видеобайланыш аркылуу катышты. Видеодо Саакашвили өтө арык көрүнөт. «Азаттык» радиосунун грузин кызматы билдиргендей, саясатчы сөзүн украин тилинде баштап, андан соң саясий билдирүүлөрдү жасап, парламенттин спикери Шалва Папуашвилиден «мындай абалга алып келгени үчүн» кечирим суроосун талап кылган.
Зеленский Твиттерге «Орусия грузин бийлигинин колу менен украин жараны Михаил Саакашвилини өлтүрүп жатат» деп жазды. Ал Киев Тбилисиден Саакашвилинин Украинага кайтып келишине макулдук берүүнү бир нече жолу суранганын жана батыш өнөктөштөрү өз варианттарын сунуштаганын эске салды.
Украинанын жарандыгын алган Саакашвили 2021-жылы күзүндө өлкөгө кайтып келгенден кийин Тбилисиде камакка алынган. Ага чейин ал сыртынан алты жылга соттолгон. Саясатчыга «Кызмат абалынан кыянаттык менен пайдаланган» деген айып коюлган. Өзү муну саясий куугунтук деп атап келет.
Грузияда Орусиянын чет элдик агенттер жөнүндөгү мыйзамына окшош деп аталган «Чет өлкөлүк таасирдин ачыктыгы жөнүндө» …
Грузия парламенти 17-апрелде «чет элдик агент» деген аталышка конгон талаштуу мыйзам долбоорун биринчи окууда кабыл …
Грузияда «чет элдик агент» мыйзам долбооруна каршы акция өтүп жатат. Бул тууралуу чет элдик басылмалар жазды. …
18-октябрда бийликтеги “Грузин кыялы” партиясы жана аны менен санаалаш “Европалык социалисттер” партиясынын 86 депутаты өлкө …
Грузиянын Конституциялык соту көпчүлүк добуш менен президент Саломе Зурабишвили өкмөттүн уруксатысыз бир катар Европа мамлекеттерине …
Грузиядагы Шови курорттук аймагында 3-августта болгон жер көчкүдөн мүрт кеткендердин саны 21ге жетти. Бул тууралуу …
