Президент Садыр Жапаров бүгүн, 5-майда Фейсбуктагы баракчасына билдирүү жазып, «Рух Ордого» жаңы салынчу комуз сымал жаңы пирс боюнча сурамжылоо жүргүзүп жатканын айтты.
Анын айтымында, көпчүлүктүн каалоосу эске алынат.
«Урматтуу кыргызстандыктар! Бир маселе боюнча сурамжылоо кылып коёюн деп чечтим. Чолпон-Ата шаарындагы “Рух Ордо” туристтик комплекси былтыр мамлекеттин карамагына өткөн. Албетте мурда жакшы каралбай калгандыктан кунары кача түшкөн. Быйыл оңдоо-түздөө иштерин жүргүзө баштадык. Кудай буюрса жакын арада туристтерди кабыл алып баштайт. Мына ушул “Рух Ордого” эң чоң пирс салынып жатат. Ал пирс формасы комуздун түспөлүн көрсөтүп турат. Ортосунда боз үй форамасында айнек ресторан болот. Ресторанда улуттук тамактар гана берилет. Тейлөө кызматындагылар улуттук кийим кийишет. Кыскасы улуттук колоритибизди көрсөткөн туристтик комплекс кылалы деп иш баштаганбыз. Кечээ эле өзүм барып иштин жүрүшү менен таанышып келгем. “Быйылкы жайкы туристтик сезонго даяр кылабыз”,- деп куруучулар сөз беришти. Анан мага бүгүн пресс катчым телефон чалып: “Социалдык түйүндөрдө комуздун түспөлү түшүрүлгөн пирске катуу сын айткандар көп болуп жатат”,- деп билдирди. Мына ошондуктан жалпы коомчулуктан сурамжылоо кыламын. Ким колдосо “Ооба” деп добуш бергиле, ким колдобосо “Жок” деп добуш бериңиздер. Сөзсүз көпчүлүктүн каалоосун эске алабыз. “Жок” дегендер көптүк кылып кетсе анда долбоорду өзгөртүп коюш беш секундда», — деп жазды президент Жапаров.
Президент Садыр Жапаров жарандарды турак жай менен камсыздоонун үчүнчү этабы башталганын жарыялады. Ал учурда Кыргызстанда …
Президент Садыр Жапаров «Кабар» улуттук маалымат агенттигине интервью берип, алтын тартылган видео жана агасы Сабыр Жапаровдун аты …
Бүгүн, 17-майда президент Садыр Жапаров алтын темасын улай «Кабар» агенттигине маек берди. Төмөндө маекти өзгөртүүсүз …
Президент Садыр Жапаров бүгүн, 10-майда «Кабар» агенттигине маек берип, бир катар суроолорго жооп берген. Мамлекет …
Соңку учурда өлкөдөн алтындын чыгарылып кеткени тууралуу видео тарап, ал коомчулук арасында кызуу талкууларды жаратууда. …
Президент Садыр Жапаров бүгүн, 10-майда Кыргызстандын банк кызматкерлерин кесиптик майрамы менен куттуктады. Бул тууралуу президенттин …
