Бишкек шаарындагы Улуттук кардиология жана терапия борборунун имаратында чыккан өрттөн 2 адам каза болду. Бул тууралуу Өзгөчө кырдаалдар министри Бообек Ажикеев соцтармактагы баракчасына жазды.
«Өрт өчүрүүчүлөрдүн жана куткаруучулардын ыкчам аракеттеринин натыйжасында 260 адам эвакуацияланды. Тилекке каршы, 2 адам каза болду. Өрттү өчүрүүгө жалпы 6 бөлүм, 2 автошаты, Бишкек шаардык «Куткаруу кызматынын» куткаруучулар, ыкчам тобу тартылды. Өрт саат 22:33тө чектөөгө алынып, 23:15те толугу менен өчүрүлдү»,-деп жазды министр.
Ал эми саламаттык сактоо министри Эркин Чечейбаев каза болгон эки жаран бейтаптар болгонун билдирди.
«Өрт чыккан учурда институтта 47 киши болгон, анын 22си балдар. Жүрөк хирургиясы институту болгондуктан, бейтаптардын көбү операциядан чыккандар эле. Аларды эвакуациялап жетишишкен. Тилекке каршы, бейтаптардын экөө каза болуп калган. Учурда 9 адам жандандыруу бөлүмүндө», — деген ал.
Кошумчалангандай, өрттүн себептери такталууда.
Күбөлөрдүн айтымында, айрым жерлерде жарылуулардын үнү угулууда. Алдын ала маалыматтарга ылайык, өрт 27-май күнү болжол …
Кыргызстанда сутка ичинде 17 өрт кырсыгы катталып, өрттү өчүрүүгө 18 бөлүм тартылган. Өзгөчө кырдаалдар министрлигинен …
Балыкчы шаарынын Көк-Мойнок-2 айылындагы куураган чөптөн чыккан өрт 5-февралга караган түнү саат 01:05те толук өчүрүлдү. …
Бишкек шаарында кампадан өрт чыгып, бир адам каза болду. Бул тууралуу ӨКМдин Бишкек шаардык башкармалыгынан …
Бишкек шаарынын Ленин районундагы Балбан-Таймаш конушунда техникалык тейлөө борборунан (СТО) чыккан өрт саат 08:29да чектөөгө …
Бишкекте Токомбаев көчөсүндөгү көп кабат үйдөн өрт чыгып, жашоочулар эвакуцияланды. Күбөлөрдүн айтымында, өрт экинчи кабаттагы …
