«Жүргүнчү» аталышындагы рейд башталып, үч күндө 261 адам кармалган. Аларга миң сомдон айып салынган. Бул тууралуу ИИМден билдиришти.
Маалыматка ылайык, «Жүргүнчү» аталышындагы рейд бир айга, тагыраагы 17-октябрга чейин болот.
«Жыл башынан тартып сегиз ай аралыгында өлкө аймагында жөө адамдарды коюп кетүү фактысы менен коштолгон 1 610 жол кырсыгы катталып, 1 633 жараныбыз ар кандай жаракаттарды алышкан. Анын ичинен жөө жүргөндөрдүн күнөөсү менен 142 жол кырсыгы катталып, 13 жөө киши көз жумган», — деп айтылат маалыматта.
