Бишкекте жүргүнчү автобустун контролеруна кол салды. Муниципалитеттен билдиришкендей, окуя бүгүн, 28-мартта орун алган.
«Контролер тарабынан текшерүү учурунда №169 автобустун жүргүнчүлөрүнүн бири агрессия көрсөткөн. Ал жол кире акысы тууралуу маалымат берүүдөн баш тарткан. Жүргүнчү контролерду бетке бир нече жолу уруп, окуя болгон жерден качып кеткен», — деп айтылат маалыматта.
Натыйжада коомдук транспорттун кызматкери бетинен жаракат алган. Учурда алган жаракаттарынын оордугу медициналык текшерүүлөр аркылуу аныкталып жатат.