• Жекшемби 4 Бештин айы 2022
  • Воскресенье 4 Декабрь 2022

Жапырт камоолор: Улукбек Маматаев камакта калтырылды

10 ноября 2022 в 11:12 Бишкек Govori.TV

Бүгүн, 10-ноябрда Бишкек шаардык соту активист Улукбек Маматаевдин баш коргоо чарасын карады.

Жактоочу камоо мыйзамсыз жана негизсиз экенин белгиледи. Анын айтымында, милиция кызматкерлери айыпталуучунун укуктарын бузушкан. Мамлекеттик айыптоочу кармалган адамды камакта калтырууну суранды.

Кеңешме бөлмөсүнөн чыгып, судьялар чечимди окуду, ага ылайык Биринчи Май райондук сотунун чечими күчүндө калтырылды.

Бишкектин Биринчи май райондук соту 24-25-октябрь күндөрү башаламандык уюштурууга шек саналып, жапырт кармалган 20дан ашык саясатчы жана активисттин бөгөт чарасын карап, баарын эки айга камакка алуу чечимин чыгарган.

Алар Жаза аткаруу кызматынын 21-мекемесинде же Бишкектеги №1 тергөө абагында кармалууда. Бирөө ден соолугуна байланышуу үй камагына чыгарылган.

23-октябрда Бишкекте жыйырмадан ашуун оппозициялык саясатчы менен активисттердин үй-жайында тинтүү жүрүп, милицияга чакырылган жана 48 саатка камакка алынган. Алар «Кемпир-Абад суу сактагычынын жерин Өзбекстанга берилишине каршы» болуп келген.

Ички иштер министрлиги (ИИМ) аларга Кылмыш-жаза кодексинин 36-278-беренеси (“Массалык башаламандыктарды уюштурууга даярдануу”) менен козголгон кылмыш иштин алкагында тергөө жүргүзүп жатат.

Количество просмотров: 64

Бишкектеги 4 райондун атын өзгөртүү сунушуна макулсузбу?

Жыйынтыгын көрүү

Биздин команда