Жарандык активист Өндүрүш Токтонасыров Европадагы коопсуздук жана кызматташтык уюмунун (ЕККУ) жана Бириккен улуттар уюмунун Бишкектеги кеңсесинин алдына митингге чыкты. Токтонасыров кыргыз-тажик чек арасындагы кырдаалга эл аралык коомчулуктун көңүлүн буруу максатында акцияга чыкканын белгиледи.
«Тажикстанды 30 жылдан бери башкарып келе жаткан Эмомали Рахмон эгемен Кыргызстан мамлекетине туура эмес мамиле жасады. Ошол кишинин буйругу дейбизби, өрүкзарлуу Баткендеги тынч жаткан элге кол салынып, канчалаган адамдарды кайгыга салды. Жарандык активист катары өлкөбүздүн борборундагы Европадагы коопсуздук жана кызматташтык уюму (ЕККУ) менен Бириккен улуттар уюмунун Бишкектеги кеңсесинин алдына 2 күндөн бери митингге чыгып жатам. Эмомали Рахмон Кыргызстандын элине кол салды. Аскердик агрессия үчүн Эл аралык сот алдында жооп берүүгө тийиш. БУУнун Баш Катчысы Кыргызстанга келип, окуя болгон аймакты көрсүн. Так позициясын айтып, каңырыгы түтөп турган элге моралдык колдоо көрсөтсүн. Аскердик агрессия жасаган Тажикстандык жетекчилерди кылмыш жоопкерчилигине тартууга көмөктөшсүн. Ачык эле айтыш керек бизде эл аралык уюмдар көпчүлүк учурда карманып туруу позициясын ээлешет. Башкалар эмне дейт? деген сыяктуу ишарат кылышат»,-деди активист
28-30-апрель күндөрү кыргыз-тажик чек арасындагы куралдуу жаңжалда набыт болгон кыргызстандыктардын саны расмий эсепте 36га жетип, 189 киши жараат алды. Үй-жайын таштап, коопсуз жайга көчүрүлгөндөрдүн саны 58 миңге чамалады. Баткен жана Лейлек райондорунда бери дегенде 11 айылда турак жайлар талкаланып, өрттөлдү. Учурда ооруканаларда 100 киши жатат.
Жарандык активист, укук коргоочу Өндүрүш Токтонасыровдун Бишкектин Биринчи май райондук сотунда 18-декабрга белгилеген соту болбой …
Жарандык активист Өндүрүш Токтонасыров бүгүн, 1-июлда Ички иштер министрлигинин (ИИМ) Тергөө башкармалыгына сурак берүү үчүн …
Кечээ 30-июнда жарандык активист Өндүрүш Токтонасыровду милиция кызматкерлери алып кетип, ал ИИМдин Тергөө кызматына жеткирилген. …
Бүгүн, 29-декабрда жарандык активист Өндүрүш Токтонасыров Бишкек мэриясынын алдына пикетке чыкты. Активист «Салют атылбасын!», «Аба …
Президент Садыр Жапаров Кыргыз Республикасынын жарандыгына кабыл алуу жана Кыргыз Республикасынын жарандыгынан чыгуу жөнүндө жарлыктарга …
Казак өкмөтү «Казакстан Республикасынын жарандыгы тууралуу» мыйзамга өзгөртүүлөрдү киргизүү боюнча долбоор иштеп чыкты. Ага ылайык, …
