Бүгүн, 27-февралда Жогорку Кеңештин Социалдык саясат боюнча комитетинин жыйынында билим берүү жана илим министринин кызмат ордуна сунушталган Каныбек Иманалиевдин талапкерлигине макулдук берүү маселеси каралды.
Жыйында талапкер тууралуу Президенттин жана Министрлер кабинетинин Жогорку Кеңештеги өкүлү Алмасбек Абытов учкай маалымат берди.
Андан соң министрликке талапкер Каныбек Иманалиев тармакка тиешелүү көйгөйлөргө токтолуп: “Бүгүнкү күндө республика боюнча 600 миң бала бала бакчага барбайт. Мындан тышкары, орто билим берүү мекемелериндеги окуу программасынын 60%ы дүйнөлүк стандартка туура келбейт. Ал эми жыл сайын 2 млрд сом жумшалган кесиптик лицейлерге бүтүрүүчүлөрдүн 15%ы гана тапшырат. Андыктан билим берүү системасын өзгөртүүбүз кажет”, – деди.
Талкуу маалында депутат Айбек Маткеримов VII чакырылыштагы парламент шайланып келгенден бери үчүнчү министр шайланып жатканын белгилеп: “Бул өтө өкүнүчтүү. Анткени, министр алмашкан сайын, тармактагы реформалар артка кетүүдө”, – деди.
Жыйынтыгында Жогорку Кеңештин Социалдык саясат боюнча комитети билим берүү жана илим министринин кызмат ордуна сунушталган Каныбек Иманалиевдин талапкерлигин жактырды.
Борбордук шайлоо комиссиясы Жогорку Кеңештин бош калган депутаттык мандатын Советбек Рустамбек уулуна өткөрүп берди. Мындай …
28-мартта Ош, Кара-Суу жана Баткен бир мандаттуу шайлоо округдары боюнча Жогорку Кеңештин депутаттарын мөөнөтүнөн мурда …
КР Шайлоо жана референдум ѳткѳрүү боюнча борбордук комиссиясына № 2 Баткен бир мандаттуу шайлоо округу …
Борбордук шайлоо комиссиясына №2 Баткен жана №9 Кара-Суу бир мандаттуу шайлоо округдары боюнча Жогорку Кеңештин …
Жогорку Кеңеш “Коммерциялык эмес уюмдар жөнүндө” жана Кылмыш-жаза кодексине өзгөртүүлөрдү киргизүү жөнүндө” мыйзам долбоорун парламенттин …
Жогорку Кеңештин Транспорт, коммуникациялар, архитектура жана курулуш боюнча комитети 30-январдагы отурумунда “Жалпыга маалымдоо каражаттары жөнүндө” …
