Бүгүн, 18-ноябрдагы Жогорку Кеңештин Социалдык саясат боюнча комитетинин жыйынында «Кыргыз Республикасынын айрым мыйзам актыларына («Билим берүү жөнүндө» Кыргыз Республикасынын мыйзамына, Кыргыз Республикасынын Укук бузуулар жөнүндө кодексине) өзгөртүүлөрдү киргизүү тууралуу» мыйзам долбоору каралып, экинчи жана үчүнчү окууда колдоого ээ болду.
Демилгечи – Жогорку Кеңештин депутаты Миргүл Темирбаева белгилегендей, Президенттин Жарлыгына карабастан азыркы учурда мектептерде акча чогултуу улантылып жатат. Ошого байланыштуу мыйзам долбоору мектепте акысыз билим алуу укугун камсыз кылууга, мыйзамсыз акча чогултууларды, анын ичинде мектептерде коомдук фонддорду түзүүнү болтурбоо максатында жоопкерчилиги күчөтүлүп иштелип чыккан. Мыйзамсыз акча чогултуу фактылары аныкталса, Кыргыз Республикасынын Укук бузуулар жөнүндө кодексине ылайык жоопкерчиликке тартуу сунушталууда.
Талкуу маалында демилгечи Миргүл Темирбаева депутаттардын суроолоруна жооп берип жатып, мыйзам долбоору меценаттык, демөөрчүлүк жардам көрсөтүүгө эч кандай тоскоолдук жаратпагандыгын баса белгилеп: «Биздин мыйзам долбоорунда кандайдыр бир мажбурлоо жолу менен, уюм түзүп ата-энелерден акча чогултуу факты аныктала турган болсо, жеке жактар болобу, юридикалык жактар болобу айып пул салуу жаза чараларын көрүү сунушталууда», — деди.
Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана регламент боюнча комитети бир катар ведомстволордун …
27-январда Жогорку Кеңештин Конституциялык мыйзамдар, мамлекеттик түзүлүш, жергиликтүү өз алдынча башкаруу комитети мамлекеттик гимн сынагынын …
Бүгүн, 13-январда Жогорку Кеңештин Сот-укук маселелери, укук тартиби, кылмыштуулук менен күрөшүү жана коррупцияга каршы аракеттенүү …
Бүгүн, 23-декабрда Жогорку Кеңештин Финансы, бюджет, ишкердик жана атаандаштыкты өнүктүрүү боюнча комитети, Конституциялык мыйзамдар, мамлекеттик …
Бүгүн, 23-сентябрда Жогорку Кеңештин Конституциялык мыйзамдар, мамлекеттик түзүлүш, сот укук маселелер боюнча комитети Ош облусунун …
Бүгүн, 23-сентябрда Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитеттин жыйынында …
