Жогорку Кеңештин Бюджет, экономикалык жана фискалдык саясат боюнча комитети 2-декабрда Салык кодексине өзгөртүү киргизүүнү биринчи окууда жактырды.
Мыйзам долбооруна ылайык, салык кызматы кыймылсыз мүлк салыгын төлөшү керек болгон үйлөрдүн аянтын кыскартууну, жер салыгынын көлөмүн көбөйтүүнү жана курулуш компаниялары үчүн кошумча нарк салыгын кайтарууну көздөөдө.
Мындан тышкары, салыктык отчеттуулук электрондук түрдө гана киргизилип, акциздик маркаларды мыйзамсыз пайдалангандыгы үчүн айыптар көбөйтүлүп, Мамлекеттик салык кызматына соттун чечимисиз үчүнчү жактардын салык карызын кечүү укугу берилип, мамлекеттик тилдеги окуу куралдарын жеткирүү, ортопедиялык буюмдар, минералдык жер семирткичтер салыктан бошотулган.
Ошондой эле ай сайын салык отчетун бербегендиги үчүн айып пул киргизүү сунушталууда. Жеке адамдар үчүн — айына 1000 сом. Жеке ишкер менен — 3 миң, юридикалык жактар үчүн — 7 миң сом айып сунушталууда.
