Бүгүн, 28-ноябрда Кыргызстандын мамлекеттик туусун өзгөртүү боюнча мыйзам долбоорун Жогорку Кеңештин Конституциялык мыйзамдар, мамлекеттик түзүлүш, сот укук маселелер боюнча комитети жактырып, ЖКнын жалпы кароосуна жиберди.
Жыйында мыйзам долбоорунун демилгечилеринин бири, депутат Улан Примов баяндама жасады.
Примовдун айтымында, мыйзам долбоору тууну жакшыртууга багытталган.
«Мисалы, Америка Кошмо Штаттары символдорду 26 жолу, Испания — 8 жолу, Орусия — 1 жолу өзгөрткөн. Ошол эле учурда, желек пайда болгон бардык документтерге дароо өзгөртүү киргизүүнү талап кылбайбыз, муну акырындык менен, этап-этабы менен ишке ашырууга болот», — дейт ал.
Быйыл сентябрда «Кыргыз Республикасынын мамлекеттик символдору жөнүндө» мыйзамга өзгөртүү киргизүүнү сунуштаган долбоор коомдук талкууга коюлган. Мыйзам долбоорунда туудагы күн нурларынын формасын өзгөртүү демилгеленген.
Ошондой эле күн нурунун формасын өзгөртүүдө авторлор баштапкы этапта, математикалык эсептөөлөрдү жүргүзүп иштеп чыгышканы айтылган.
Тууну өзгөртүү сунушу коомчулукта бир катар ача кептерди, талкууларды жараткан.
Эгемен Кыргызстандын мамлекеттик туусу 1992-жылдын 3-мартында Жогорку Кеңештин токтому менен бекитилген. 2004-жылдын 17-июлунда «Кыргыз Республикасынын мамлекеттик символдору жөнүндө» мыйзам кабыл алынган
1-апрелде Жогорку Кеңештин Социалдык саясат боюнча комитети “Билим берүү жөнүндө” мыйзамга өзгөртүү киргизүүнү талкуусуз үчүнчү …
Бүгүн, 4-мартта ЖКнын Бюджет, экономикалык жана фискалдык саясат боюнча комитети “Жалпыга маалымдоо каражаттары жөнүндө” мыйзам …
Бүгүн, 13-февралда “Жалпыга маалымдоо каражаттары жөнүндө” мыйзам долбоорун Жогорку Кеңештин Конституциялык мыйзамдар, мамлекеттик түзүлүш, сот-укук …
Бүгүн, 6-февралда Жогорку Кеңештин Отун-энергетикалык комплекс, жер казынасын пайдалануу жана өнөр жай саясаты боюнча комитетинин …
Жогорку Кеңештин Транспорт, коммуникациялар, архитектура жана курулуш боюнча комитети 23-январдагы отурумунда “Жалпыга маалымдоо каражаттары жөнүндө” …
Бүгүн, 15-январда Жогорку Кеңештеги Эл аралык иштер, коргоо, коопсуздук жана миграция боюнча комитетинин жыйынында «Жалпыга …
