Республикалык клиникалык жугуштуу оорулар ооруканасына 2020-жылдын 5-майында COVID-19 коронарус инфекциясы диагнозу менен коомдук ишмер, Жогорку Кеӊештин экс-төрагасы Мукар Чолпонбаев түштү, дарылоо оор өтүүдө. Бул тууралуу Республикалык штаб билдирет.
«Анын ден соолугунун абалы начарлашына байланыштуу, 12-майда Республикалык клиникалык жугуштуу оорулар ооруканасынын жандандыруу жана интенсивдүү терапия бөлүмүнө которулган. Бүгүнкү күндө бейтап өпкөнү жасалма дем алдыруу аппаратында жатат, абалы оор деп бааланууда», — деп айтылат маалыматта.