Бишкек.05.01.18. Govori.TV
2018-жылдын 4-январынан тарта Бишкек шаарындагы Жол кыймылы коопсуздугун камсыздоо бөлүмүнүн кызматкерлери ишке жаңы форма менен чыгып башташты.
Жаңы форманын артында «ИИМ» деп жазылган. Мындан сырткары форма ыңгайлуулугу жана жарыкты чагылдыруучу атайын тасмалары менен айырмаланат.
Эске сала кетсек, укук коргоо органдарынын системасын реформалоонун алкагында Кайгуул милиция башкы башкармалыгы Жол кыймылы коопсуздугун камсыздоо бөлүмү болуп өзгөргөн. Мындан сырткары, бир нече жаңы кызматтар да кошулган.