31-августтан 1-сентябрга караган түнү жол кырсыгынан 21 жаштагы кыз каза болду. Бул тууралуу Ош шаардык жол кыймылынын коопсуздугун камсыздоо бөлүмүнөн билдиришти.
Алынган маалыматка караганда, А.Масалиев көчөсүнөн “Хонда Фит” үлгүсүндөгү унаа бетонду сүзгөн. Кырсыктын кесепетинен 21 жаштагы М.Э., 15 жаштагы Э.Э., жараат алган. Ал эми 21 жаштагы А.А. алган жараатынан улам каза тапкан.
Учурда кырсыкка байланыштуу экспертиза жана тергөө амалдары жүрүүдө.