Жогорку окуу жайларга абитуриенттерди кабыл алуунун V туру башталды. Бул тууралуу Билим берүү жана илим министрлигинен билдиришти.
Маалыматка ылайык, кабыл алуу онлайн жүргүзүлөт. Ал үчүн абитуриенттер сайтына катталышы керек.
«Жалпы республикалык тестиртөөлөгө (ЖРТ) катышкан абитуриенттер 22-августтан 27-август саат 14.00гө чейин ЖОЖдорго тапшыра алат. Ал эми 28-29-август күндөрү саат 17:00гө чейин болочок студент университетте билим алуу ниетин тастыкташы шарт»,-деп айтылат маалыматта.