Кыргызстандык спортчу Тайырбек Жумашбек уулу Сербияда өтүп жаткан күрөш боюнча дүйнө чемпионатында коло медаль тагынды.
Турнир 16-сентябрда Белградда башталган. Кыргызстандык 61 килограммга чейинки салмак ченинде күч сынашты.
17-сентябрда Жумашбек уулу коло медаль үчүн күрөшүп, анын атаандашы Япониянын өкүлү болгон. Кыргызстандык 2:1 эсебинде жеңишке жетип, дүйнө чемпионатында коло медаль тагынды.
Бул медаль Кыргызстан үчүн Сербияда өткөн турнирде биринчи медаль болду.
