Кыргызстандын Башкы прокуратурасы Саламаттык сактоо министрлиги менен Оорулардын алдын алуу жана мамлекеттик санитардык-эпидемиологиялык көзөмөл департаменти коронавирус эпидемиясы башталган кезде мамлекетке 5 миллион сомдон ашуун суммада зыян келтиришкен деп эсептейт.
Мекеме 2-февралда билдиргендей, 2020-жылдын 6-майында медициналык атайын кийим, мээлей жана бахила сатып алуу боюнча бир фирма тандалган.
Натыйжада 1,5 сомдук кыска бахиланын ордуна 150 сомдук кончу узун бахиладан 150 миңи, мындан тышкары, техникалык атайын талапка жооп бербеген 101 мээлей сатылып алынган.
Бул фактыны Башкы прокуратура Кылмыштар менен жоруктардын бирдиктүү реестрине Жазык кодексинин «Кызмат абалынан кыянаттык менен пайдалануу» жана «Билип туруп пайдасыз контракт түзүү» беренелеринин негизинде каттап, сотко чейинки териштирүү баштады.
Саламаттык сактоо министрлиги Башкы прокуратуранын бул маалыматы боюнча азырынча комментарий бере элек.
Кыргызстанда коронавирус эпидемиясы 2020-жылдын март айында башталган. 2-февралга карата бул илдет дээрлик 85 миң адамга жукту, алардын 1,5 миңдейи каза болду.
Башкы прокуратура Бишкектеги Ататүрк паркы боюнча кабыл алынган чечимдердин мыйзамдуулугун карап чыгат. Бул тууралуу баш …
Башкы прокурор Курманкул Зулушев фейсбук баракчасына билдирүү жазып, Ак калпак күнү менен куттуктады. Зулушев куттуктоосу …
Кочкор районунда 51 млн 264 миң сомго бааланган автобекет жер тилкеси менен жана Ормон-Хан айыл …
Башкы прокурор Курманкул Зулушев Камчы Көлбаевдин өлүмү боюнча атайын операциянын мыйзамдуулугу текшерилгенин билдирди. “Президентибиз мага …
Арстанбек Абдылдаевдин (Арстан Алай) каза болгон фактысы боюнча тергөөгө чейинки текшерүү жүргүзүлүп, жыйынтыгы менен кылмыш …
Кемин районунун прокуратурасы тарабынан жүргүзүлгөн текшерүүдө Кемин районунун Калкты тейлөө борборунун имаратын курууда мамлекетке 4 …
