10-январда Казакстанда парламенттик шайлоо өтөт

10-январда, Казакстанда парламенттин төмөнкү палатасына (мажилис) депутаттарды шайлоо өтөт. Бул тууралуу Sputnik Казакстан агенттиги жазды.

Маалыматка ылайык, шайлоодо беш партия ат салышат.

Алар:

• «Ак жол» Казакстан демократиялык партиясы;

• Казакстан элдик партиясы (мурдагы коммунисттер);

• Nur Otan;

• «Айыл» элдик-демократиялык партиясы;

• «Адал» саясий партиясы.

Белгилей кетсек, Казакстандын Конституциясы боюнча мажилистин курамы 107 депутаттан туруп, беш жылдык мөөнөткө шайланат. Жаңы мажилис келгенден кийин премьер-министр жана өкмөт мүчөлөрү дайындалат.