Өлкө аймагында 12 медицина кызматкеринен коронавирус тастыкталды. Бул тууралуу бүгүн, 7-декабрда Республикалык штабдан билдиришти.
Маалыматка ылайык, Бишкек шаарында 9, Чүй облусунда 1, Жалал-Абад облусунда 1, Баткен облусунда 1. Ал эми бир суткада стационардан 1, үй карантинден 9 медкызматкер чыгарылган.
Кыргызстанда COVID-19 диагнозу жалпы 3980 медицина кызматкеринен аныкталган. Алардын ичинен 3679 адам айыкты.