Бишкек шаарынын Жибек Жолу жана Тимирязев көчөлөрүнүн кесилишинде жайгашкан кампада өрт чыкты. Анда күйүүчү май сакталганын Өзгөчө кырдаалдар министрлигинин басма сөз кызматы билдирди.
Саат 07:46да өрттү өчүрүүгө Биринчи май райондук №4 өрт өчүрүү бөлүмү киришкен. Андан кийин башка бөлүмдөр тартылган.
Учурда тилсиз жоону өчүрүү иштери жүрүп жатат. Милиция кызматкерлери аймакты курчоого алды.