УКМКнын Баткен облусу боюнча башкармалыгы 2 миллион сомго жакын бааланган тамеки буюмдарын мамлекеттин эсебине конфискациялады.
Атайын кызматтан билдиришкендей, 21-июлда Баткен райондук соту тарабынан КР Кылмыш-жаза кодексинин 239-беренеси (Милдеттүү акциздик салык салынуучу продукцияны акциздик маркасыз өндүрүү) боюнча кылмыш жасоодо, кылмыш ишинин жыйынтыгы боюнча күнөөлүү деп табылган Баткен районунун Кара-Бак айылынын тургуну Ж.Д.А. 100 миң сом айып салынган, ошондой эле мамлекетке 1 миллион 800 миң сом өлчөмүндөгү тамекилери конфискацияланган.
Маалымат үчүн: 2023-жылдын 9-майында КР УКМКнын Баткен облусу боюнча башкармалыгы тиешелүү ыкчам-издөө иш-чараларынын жүрүшүндө Ж.Д.А. үйүнө уруксат берилген тинтүү иштеринин учурунда акциздик маркасы жок 17 миң 960 куту тамеки табылган.
Жогорку Кеңештин IV чакырылышынын мурдагы депутаты Сергей Ибрагимов мамлекеттин казынасына 100 миллион сом которду. Бул …
Бишкектеги Биринчи май райондук сотунун сот аткаруучусу жок кылууга жиберилген өрдөк этин сатып жибергени белгилүү …
